Ле Брис Родон жароҳатидан сўнг ўйин бутунлай ўзгарди

«Сандерленд» бош мураббийи Режис Ле Брис «Лидс» ҳимоячиси Жо Родон жароҳат олганидан кейин рақиб билан кураш анча қийинлашганини айтди. АПЛнинг 18-тури доирасидаги учрашув 1:1 ҳисобида якунланди. Бу ҳақда euro-football.ru хабар беради.

28-дақиқада «Сандерленд» ҳисобни очган вазиятдан сўнг «Лидс» ўйин режимига қайтадан назар ташлашга мажбур бўлди: айнан шу эпизодда Родон тўпиғидан жароҳат олиб, майдонни тарк этди.

«Яхши бошладик, гол урдик. Иккинчисини ҳам уриш имкониятимиз бор эди. Лекин Родон майдондан чиққанидан кейин ўйин ўзгарди — улар бошқача ҳаракат қила бошлашди. Пастдан тўп чиқариш ҳам, юқорида босим қилиш ҳам қийин бўлиб қолди. Бу ҳал қилувчи лаҳза бўлди», — дея Ле Бриснинг сўзларини Yorkshire Evening Post келтиради.

Мутахассис, шунингдек, жамоада 8 нафар футболчи йўқлигига қарамай, «Сандерленд» характер кўрсатаётганини таъкидлади: «Кучли рақибга қарши ўйиннинг муайян қисмида яхши ҳаракат қилдик. Улар ҳозир жуда яхши формада, шунинг учун натижадан мамнунман».

Дурангдан кейин «Сандерленд» 28 очко билан 7-ўринда бормоқда ва еврокубоклар зонасидан атиги 1 очко ортда. «Лидс» эса 20 очко билан 16-поғонада жойлашган.