«Барселона» ҳимоячиси Форт жарроҳлик амалиётини бошдан кечирди
«Барселона»нинг ўнг қанот ҳимоячиси Эктор Форт, ҳозирда ижара асосида «Эльче» сафида тўп сураётган пайтида жароҳат олиб қолди. Бу ҳақда euro-football.ru хабар беради.
19 ёшли футболчи ўтган турда «Райо Вальекано»га қарши учрашувнинг 6-дақиқасида гол уришга улгурди, бироқ 12-дақиқада елкасидан чиққан жароҳат сабаб ўйинини давом эттира олмади. Sport манбасига кўра, Форт операция қилинди ва тикланиш жараёни бир неча ҳафта давом этиши кутилмоқда.
Форт «Эльче»даги 12 ўйинда 2 та гол ва 2 та ассист қайд этган. Маълумотларга кўра, «Барселона» раҳбарияти футболчининг ижарадаги ўйинидан мамнун ва у келаси мавсумда Ханс-Дитер Флик жамоасида ўрин учун бемалол кураша олади, деб ҳисобламоқда.