«Марсел» икки футболчиси четлатилиб, «Нант»га уйда ютқазди

Лига 1нинг 17-турида юқори ўринлар учун курашаётган «Марсел» ўз майдонида турнир жадвалининг қуйи қисмидаги «Нант»ни қабул қилди. Учрашув мезбонлар учун оғир кечди: «Олимпик» футболчилари бирин-кетин қизил карточка олиб, натижада рақиб 0:2 ҳисобида ғалаба қозонди. Бу ҳақда euro-football.ru хабар беради.

Ўйин бошида меҳмонлар бурчак зарбасидан сўнг гол уриб қўйгандек бўлди, бироқ VAR текшируви офсайдни кўрсатиб, гол бекор қилинди. Кейинроқ Маттис Аблин жарима зарбасида тўпни устунга тегкизди. 26-дақиқада Артур Вермерен дарвозабон билан эпизодда қўпол ўйнагани учун тўғридан-тўғри қизил карточка олди ва «Марсел» 10 киши бўлиб қолди. Орадан беш дақиқа ўтиб, Аблиннинг узоқ масофадан берган зарбасидан кейин дарвозабон қайтарган тўпни Фабиен Сентонз якунлаб, ҳисобни очди — 0:1.

Иккинчи бўлимнинг 56-дақиқасида Билал Надир кетма-кет икки сариқ карточка олиб, майдонни тарк этди ва мезбонлар 9 киши билан қолди. Учрашув якунига яқин «Нант» пеналтига эга бўлди: Реми Кабелла 88-дақиқада аниқ тепиб, фарқни иккитага етказди — 0:2.

Мағлубиятга қарамай, «Марсел» турнир жадвалида учинчи ўринни сақлаб қолди. «Нант» эса охирги поғонадан уч очко узоқликда бўлиб, ҳозирча ўтиш ўйинлари ҳудудида бормоқда.