Жирона Малорка майдонида қийин ғалабани қўлга киритди

Ла Лиганинг 18-турида турнир жадвалининг қуйи қисмида жойлашган “Малорка” ва “Жирона” ўзаро тўқнаш келди. Бу ҳақда euro-football.ru хабар беради.

Учрашувнинг 25-дақиқасида Витор Рейснинг пасидан кейин Виктор Сиганков аниқ зарба йўллаб, ҳисобни очди — 0:1. Танаффусдан сўнг Такума Асано гол урди, бироқ эпизод офсайд сабаб бекор қилинди. Кейинги дақиқаларда Тома Лемарнинг узоқ масофадан йўллаган зарбасини дарвозабон қайтарди, Аксел Витсел эса бош билан тўсинни нишонга олди.

62-дақиқада Владислав Ванат жарима майдонида йиқитилди ва ўзи пеналтни ишончли амалга оширди — 0:2. Ўйин якунида, 90-дақиқада Ведат Мурики ҳам 11 метрлик зарбадан фойдаланиб, фарқни қисқартирди — 1:2.

Натижада ҳар икки жамоада 18 очкодан бўлиб, улар 15-ўринни бўлиб турибди.