Лаутаро Мартинес Альтобелли ва Меаттса рекордига яқинлашмоқда
Италия чемпионатида 18-тур якуний учрашувлари давом этмоқда. Миланлик «Интер» ўз майдонида «Болонья»ни ишончли тарзда мағлуб этмоқда, жамоа голларидан бирини эса Лаутаро Мартинес киритди. Шу тариқа аргентиналик ҳужумчи жорий мавсумдаги голлари сонини 10 тага етказди. Бу ҳақда euro-football.ru хабар беради.
Бу Мартинеснинг «Интер» сафидаги кетма-кет еттинчи мавсуми бўлиб, у ҳар мавсумда камида ўнтадан гол урмоқда. Клуб тарихида бундай барқарор натижани фақат уч футболчи кўпроқ қайд этган: Алессандро Альтобелли саккиз мавсумда, Бенито Лорентси ва Жузеппе Меаттса эса А Серияда тўққиз мавсум давомида бир мавсумда 10 ва ундан кўп гол урган.