«Барселона» яна Тер Штеген жароҳати билан йўқотди

«Барселона» дарвозабони Марк-Андре тер Штеген яна жароҳат сабаб сафдан чиқди. «Кўк-анорранглилар» сардори сешанба кунги машғулот пайтида шикаст олган, дея хабар беради Diario Sport. Бу ҳақда euro-football.ru хабар беради.

Натижада посбон Испания Суперкубоги учун қайдномадан чиқарилди. Тер Штеген тиббий кўрик ва текширувлардан ўтиш учун Барселонага қайтмоқда.

Эслатиб ўтамиз, ўтган ой тер Штеген белидаги жароҳатдан фориғ бўлганди ва у ёздан бери майдонга туша олмай келаётганди. Жорий мавсумда 33 ёшли футболчи атиги бир учрашувда майдонга чиққан.

Испания Суперкубоги ярим финалида «Барселона» «Атлетик» Бильбао билан 7 январь, чоршанба куни тўқнаш келади. Ғолиб финалда Мадриднинг «Реал»и ёки «Атлетико»сига қарши ўйнайди.