Чемпионлар лигаси 7-тури бошланади: бугун бўладиган ўйинлар...

УЕФА Чемпионлар лигасида 7-тур баҳслари бугундан бошлаб расман старт олади. Турнинг илк кунининг ўзиёқ футбол ишқибозларини катта интрига, шовқинли тўқнашувлар ва номдор клублар иштирокидаги қизиқарли кечага тайёрлаб қўйган.

Бугун майдонга “Арсенал”, “Манчестер Сити”, “Реал Мадрид”, ПСЖ, “Интер” каби грандлар чиқади. Айниқса, тунги марказий баҳс сифатида кўпчилик “Интер” — “Арсенал” учрашувини алоҳида кутяпти. Икки жамоа ҳам ўзига хос услубга эга: бири қатъий тартиб ва жисмоний курашни яхши кўрса, иккинчиси тезлик ва комбинацион футболга суянади. Демак, тунда бизга ҳақиқий “еврокубок кайфияти” ваъда қилинган.

Шу билан бирга, “Будё/Глимт” майдонида “Манчестер Сити”ни оғир сафар имтиҳони кутяпти. “Реал Мадрид” эса ўз уйида “Монако”га қарши ўйнаб, турнирдаги мақсадларини яна бир бор намоён этиши керак бўлади. ПСЖ ҳам “Спортинг” билан баҳсда ишончли қадам ташлашни кўзлайди.

Бугун бўлиб ўтадиган учрашувлар рўйхати:

20:30 “Қайрат” – “Брюгге”
22:45 “Будё/Глимт” – “Манчестер Сити”
01:00 “Вильярреал” – “Аякс”
01:00 “Интер” – “Арсенал”
01:00 “Копенгаген” – “Наполи”
01:00 “Олимпиакос” – “Байер”
01:00 “Реал Мадрид” – “Монако”
01:00 “Спортинг” – ПСЖ
01:00 “Тоттенхэм” – “Боруссия Д”

Қисқаси, бугунги кеча футбол учун “ширин кеча”: кимдир очко учун жанг қилади, кимдир гуруҳдаги тақдирини ҳал қилади, мухлислар эса бир кечада бир неча катта ўйиндан баҳраманд бўлади.