«Бавария» ва Упамекано янги шартнома бўйича музокарани давом эттирмоқда

Мюнхеннинг «Бавария» клуби марказий ҳимоячи Дайо Упамекано билан янги шартнома масаласида ҳануз якуний келишувга эришгани йўқ. Бу ҳақда журналист Максимилиан Кох хабар берди. Бу ҳақда euro-football.ru хабар беради.

Манбага кўра, томонлар икки асосий банд устида тортишмоқда: келишувнинг амал қилиш муддати ва шартномани муддатидан олдин бекор қилиш шартлари. Футболчининг клубда қолиш муддати 2030 ёки 2031 йилгача бўлиши мумкин. Муддатидан олдин бекор қилиш банди эса ўйинчи истагига кўра 2027 йилдан, клуб талаби билан эса 2028 йилдан кучга кириши муҳокама қилинаётгани айтилмоқда.

Асосий молиявий шартлар аллақачон келишилган: Упамеканонинг маоши 20 миллион евро, имзо учун бонус ҳам худди шунча бўлиши кўзда тутилган. Музокараларда бир ойлик кечикиш бўлишига қарамай, ҳимоячининг жамоада қолиш эҳтимоли юқори.

Жорий мавсумда 27 ёшли франсуз футболчи 24 та учрашувда майдонга тушиб, 1 та гол урди, 1 та ассист амалга оширди ва 7 та сариқ карточка олди.