Слот Салоҳнинг жисмоний ҳолати ҳақида гапирди

"Ливерпул" бош мураббийи Арне Слот ҳужумчи Муҳаммад Салоҳнинг ҳозирги ҳолати юзасидан фикр билдирди. Африка кубогидан қайтганидан кейин Салоҳ Чемпионлар лигасида "Марсель"га қарши учрашувда тўлиқ 90 дақиқа майдонда ҳаракат қилди. Бу ҳақда euro-football.ru хабар беради.

Слот жума кунги матбуот анжуманида Салоҳнинг юкламалардан кейин тикланиши режа асосида кетаётганини айтди: "У 90 дақиқа ўйнади. Кеча тикланиш машғулотини ўтказдик. Бугун ҳам ишладик ва Салоҳни билганим учун, у эртага майдонга тушишга тайёр бўлади. Аммо таркиб бўйича якуний қарорни сўнгги машғулотдан кейин қабул қиламан", — деди мураббий.

"Борнмут" — "Ливерпул" учрашуви Англия Премьер-лигасида 24-январ куни 22:30 да (Тошкент вақти билан) старт олади.