«Ланс» бош мураббийи Саж чемпионлик пойгасида таслим бўлмасликка чақирди

Француз клуби «Ланс» бош мураббийи Пьер Саж чемпионлик учун кураш ҳақида фикр билдирди. Бир ўйин захираси бор жамоа турнир жадвалида иккинчи ўринда бормоқда ва «ПСЖ»дан 2 очко ортда қолмоқда. Бу ҳақда euro-football.ru хабар беради.

Сажнинг таъкидлашича, «ПСЖ» пешқадамликни ўз қўлига олган, шу боис «Ланс» темпни пасайтира олмайди. Мураббий жамоа рақибни қувиб етиш йўлида иштиёқ ва юқори суръатни сақлаб қолиши шартлигини айтди.

«Биз таслим бўлмоқчи эмасмиз, чунки фавқулодда натижага эришиш имконимиз бор», — деди Саж. У 10 та кетма-кет ғалаба тарихий кўрсаткич бўлишини тан олган ҳолда, бу ҳали чемпионлик эмаслигини, «Ланс» эса ҳануз якунда устун келишни мақсад қилганини қўшимча қилди.

24 январь куни «Ланс» чемпионатнинг 19-тури доирасида «Марсель»га қарши майдонга тушади. «Ланс» ҳисобида 43 очко бор, «Марсель» эса 35 очко билан учинчи ўринда.