«Ан-Наср» Садио Мане билан келажаги борасида қарор қилди

Саудия Арабистонининг «Ан-Наср» клуби ҳужумчи Садио Мане билан ҳамкорлик масаласида муҳим қарорга келди ва футболчи жамоани тарк этиши эҳтимоли юқори. Бу ҳақда euro-football.ru хабар беради.

365Scores Arabia хабарига кўра, клуб сенегаллик легионерга янги шартнома таклиф қилиш ниятида эмас. Мане билан амалдаги келишув 2027 йил 30 июнгача мўлжалланган.

Садио Мане 2023 йилда «Бавария»дан «Ан-Наср»га 30 миллион евро эвазига кўчиб ўтганди. Жорий мавсумда у барча турнирларда 17 ўйинда майдонга тушиб, 6 та гол урди ва 6 та ассист қайд этди. Transfermarkt портали футболчининг бозор қийматини 7 миллион евро деб баҳоламоқда.

Ҳозирда «Ан-Наср» Саудия Арабистони чемпионати турнир жадвалида 37 очко билан учинчи ўринда бормоқда.