Тимур Журавел «МЮ»нинг «Арсенал» устидан ғалабасини юқори баҳолади

Комментатор Тимур Журавел АПЛнинг 23-тури доирасида «Манчестер Юнайтед»нинг Лондонда «Арсенал»ни мағлуб этганига муносабат билдирди. Бу ҳақда euro-football.ru хабар беради.

Эслатиб ўтамиз, «Эмирейтс»даги баҳсда меҳмонлар 3:2 ҳисобида ғалаба қозонди.

«МЮни табриклаш керак: тор фикрли қайсарлик ўрнини соғлом мантиқ эгаллади. «Манчестер Юнайтед» чиройли ва услубли тарзда ютди», — деб ёзди Журавел ўзининг Telegram каналида.

Журналист манкунианлар асосий таркибида Рубен Аморим даврида деярли имкони бўлмаган футболчилар майдонга тушганини алоҳида қайд этди. Шу билан бирга, у айрим вазиятларда «МЮ» ҳимояда ҳаддан ташқари чуқур ўтириб қолганини, бу эса «Эмирейтс»га келадиган АПЛ аутсайдерларига хос услуб эканини ҳам тан олди.

Сўнгги икки турда Майкл Кэррик бошқарувидаги «Манчестер Юнайтед» кетма-кет «Манчестер Сити» ва «Арсенал»ни енгди. Бу икки жамоа айни пайтда турнир жадвалида мос равишда иккинчи ва биринчи ўринларда бормоқда.