Ясер Асприлья «Галатасарай»га ижара асосида ўтди

«Жирона»нинг 22 ёшли ярим ҳимоячиси Ясер Асприлья қишки трансфер ойнасида жамоасини ўзгартирди. Колумбиялик футболчи ижара асосида Истанбулнинг «Галатасарай» клубига кўчиб ўтди, бу ҳақда клуб матбуот хизмати хабар берди. Бу ҳақда euro-football.ru хабар беради.

Томонлар ўртасидаги келишув жорий мавсум якунигача амал қилади. Ижара муддати тугагач, клублар Асприльяни тўлиқ трансфер қилиш масаласини муҳокама қилиши мумкин.

Жорий мавсумда Асприлья Испания клуби сафида 17 та учрашувда майдонга тушиб, 1 та гол ва 1 та голли узатма муаллифига айланди.

Умуман олганда, ярим ҳимоячи «Жирона» учун 50 ўйинда 4 та гол уриб, 2 та ассист қайд этган.