«Ал-Наср» Садио Маненинг келажаги бўйича қарор чиқарди

Садио Мане яқин вақт ичида «Ал-Наср»ни тарк этиши мумкин. Бу ҳақда euro-football.ru хабар беради.

365Scores Arabia хабарига кўра, Саудия клуби сенегаллик ҳужумчига янги шартнома таклиф қилмасликка қарор қилган. Мане билан амалдаги битим эса 2027 йил 30 июнгача мўлжалланган.

Мане 2023 йилда «Бавария»дан «Ал-Наср»га 30 миллион евро эвазига кўчиб ўтганди. Жорий мавсумда у барча мусобақаларда 17 ўйинда майдонга тушиб, 6 та гол урди ва 6 та голли узатмани амалга оширди. Transfermarkt портали футболчини 7 миллион еврога баҳоламоқда.

Ҳозирда «Ал-Наср» Саудия Арабистони чемпионати турнир жадвалида 37 очко билан учинчи ўринда бормоқда.