«Севилья» «Марсель» ҳужумчиси Нил Мопени ижарага олди
«Марсель» ҳужумчиси Нил Мопе «Севилья»га ижара асосида кўчиб ўтди. Бу ҳақда euro-football.ru хабар беради.
Клублар ўртасидаги келишув жорий мавсум якунигача мўлжалланган. Шартномада футболчини 6 миллион евроқа сотиб олиш опцияси ҳам бор, бироқ у мажбурий эмас.
Инсайдер Фабритсио Романо хабарига кўра, форвард 27-январ, сешанба куни тиббий кўрикдан ўтади ва шундан сўнг янги жамоасига қўшилади.
2025/2026-йилги мавсумда 29 ёшли Мопе 4 учрашувда майдонга тушиб, 2 гол урди.
Футболчининг бозор қиймати 4 миллион евро деб баҳоланмоқда. Агар андалусияликлар уни тўлиқ сотиб олишга қарор қилса, бу суммадан 2 миллион евроқа кўпроқ тўлайди.