«Реал» Мбаппе ҳолати бўйича янги маълумот берди

Мадриднинг «Реал» жамоаси Чемпионлар лигасида «Бенфика»га қарши сафардаги ўйин олдидан тайёргарликни давом эттирмоқда. Душанба куни Альваро Арбелоа бошчилигидаги жамоа машғулот ўтказди ва клуб айрим футболчиларнинг ҳолати ҳақида расмий маълумот чиқарди. Бу ҳақда euro-football.ru хабар беради.

Қайд этилишича, Килиан Мбаппе индивидуал дастур асосида меъёрий юклама билан шуғулланган. Антонио Рюдигер эса машғулотнинг бир қисмини умумий гуруҳ билан ўтказиб, кейин алоҳида тартибда ишлаган. Шунингдек, Мбаппе ва Каррерас енгилроқ индивидуал тренинг бажарган, Милитао залда шуғулланган, Менди эса майдон ва ёпиқ иншоотда якка тартибда тайёргарлик кўрган.

«Бенфика» — «Реал» учрашуви 29 январ куни 01:00 да (Тошкент вақти билан) бошланади. Лиссабондаги баҳсни LiveResult портали матнли трансляция орқали ёритиб боради.