Дро Фернандес «Барселона»дан «ПСЖ»га ўтганини изоҳлади

Ҳужумкор ярим ҳимоячи Дро Фернандес фаолиятини «Барселона»дан «ПСЖ»да давом эттиради. Франция чемпионлари 18 ёшли футболчи билан 4,5 йиллик шартнома имзолаганини расман эълон қилди. Бу ҳақда euro-football.ru хабар беради.

Трансфер расмийлашгач, Фернандес Париж клубига қўшилганидан мамнун эканини айтди. Унинг сўзларига кўра, «ПСЖ»га келиш — ўзи ва оиласи учун катта фахр, у бу жамоани болалигидан кузатиб келган, клуб тарихини яратган афсоналар эса уни янада руҳлантирган. Дро янги жамоасида майдонда бор кучини беришга тайёрлигини таъкидлади.

Ҳозирда «ПСЖ» Франция чемпионати турнир жадвалида биринчи ўринда бормоқда.