Россия терма жамоаси мартдаги ўйинларини икки шаҳарда ўтказади
Россия терма жамоаси март ойининг охирида икки ўртоқлик учрашувини ўтказади. Баҳслар Санкт-Петербург ва Краснодар шаҳарларида бўлиб ўтиши белгиланди. Бу ҳақда euro-football.ru хабар беради.
Биринчи ўйин 27 март куни, жума куни Санкт-Петербургда ўтказилади. 31 мартда эса Валерий Карпин бошчилигидаги жамоа Краснодарга йўл олади.
«Спорт-Экспресс» хабарига кўра, ушбу учрашувларда россияликларнинг рақиблари кейинроқ маълум қилинади.
Аввалроқ РФУ раҳбари Александр Дюков ўртоқлик ўйинлари учун эҳтимолий рақиблар билан музокаралар аллақачон бошланганини айтганди.
Шунингдек, Дюков таъкидлашича, тақвим терма жамоанинг халқаро майдонга қайтиши эҳтимоли инобатга олинган ҳолда тузилмоқда. Бироқ амалдаги санкциялар узайтирилиши мумкин бўлган сценарий ҳам кўзда тутилган.