Роналду ғалабадан сўнг «Ал-Наср» ҳақида фикр билдирди

Саудия Про-лигасининг душанба кунги учрашувида «Ал-Наср» «Ал-Таавун»ни 1:0 ҳисобида мағлуб этди. Ўйиндан кейин Криштиану Роналду ижтимоий тармоқларда қисқа изоҳ қолдирди. Бу ҳақда euro-football.ru хабар беради.

Португалиялик ҳужумчи бу сафар гол ура олмади, бироқ жамоанинг натижасидан мамнун эканини яширмади. «Қадам-бақадам. Мақсадимизга тўлиқ диққат!» — деб ёзди Роналду.

Ушбу уч очко «Ал-Наср»ни Саудия Арабистони чемпионати турнир жадвалида иккинчи ўринга кўтарди. Жамоа пешқадам «Ал-Ҳилол»дан ҳозирча беш очко ортда бормоқда.

5 февраль куни Роналду 41 ёшни қарши олади. Форварднинг «Ал-Наср» билан шартномаси 2026/2027-йилги мавсум якунгача мўлжалланган.