Саудия журналисти Роналдуни олдида тиз чўкмаслигини айтди

Криштиану Роналду клуб бошқарувидан норози бўлиб, «Ал-Наср»нинг айрим ўйинларида қатнашмаётгани ҳақида хабарлар тарқалди. Бу ҳақда euro-football.ru хабар беради.

Вазият юзасидан саудиялик телебошловчи Валид ал-Фараж кескин фикр билдирди. Унинг айтишича, Саудия Арабистони спорт тизими ва лига регламенти «қизил чизиқ» бўлиб, жаҳон юлдузи мақоми ҳеч кимга қоидаларни бузиш ҳуқуқини бермайди. Ал-Фараж «лига ҳар қандай футболчидан устун», дея таъкидлади ҳамда Роналдуни регламентни ҳурмат қилишга чақирди.

Шунингдек, у «Биз Роналду олдида тиз чўкмаймиз. Нимани хоҳлайсиз, уни илтимос қилишимизними? Бизнинг мамлакатимиз ва лигамиз ҳаммасидан устун», деган мазмунда фикрини якунлади.

Маълумот учун, Криштиану Роналдунинг «Ал-Наср» билан шартномаси 2027 йил ўрталаригигача амал қилади.