Роналду можароси «Ал-Наср» бош мураббийининг келажагини сўроқ остига қўйди
Криштиану Роналду атрофидаги вазият «Ал-Наср» бош мураббийи Жорже Жезушнинг клубдаги келажагига ҳам бевосита таъсир кўрсатиши мумкин. Бу ҳақда euro-football.ru хабар беради.
Португалиялик мутахассис бу жамоа билан шартнома имзолашга катта даражада юлдузли ватандоши омили сабаб бўлгани айтилмоқда. Бироқ 41 ёшли ҳужумчи жамоа учрашувларини бойкот қилишда давом этмоқда ва ёзда клубни тарк этиши ҳам эҳтимолдан холи эмас. Al Nassr Zone саудиялик ОАВга таяниб хабар беришича, Жезуш Роналду масаласи ҳал бўлмагунча «Ал-Наср» билан шартномани узайтириш бўйича музокараларни бошламасликка қарор қилган. 71 ёшли мураббий билан амалдаги келишув мавсум якунида якунланади.
Жорже Жезуш «Ал-Наср»даги ишини 2025 йил июлида бошлаган. У бунгача икки йил давомида «Ал-Ҳилол»ни бошқарган.