Вильярреал Эспаньолни йирик мағлуб этиб, омадсизликни узайтирди

Ла Лиганинг 23-турида Вильярреал ўз майдонида Эспаньолни 4:1 ҳисобида таслим этди. Учрашувнинг 87-дақиқасигача ҳар икки жамоа умумий ҳисобда атиги уч марта дарвозага аниқ зарба йўллаган бўлса-да, табло аллақачон 4:0 ни кўрсатиб тургани ўйинни янада ноодатий қилди. Бу ҳақда euro-football.ru хабар беради.

Баҳс бошида меҳмонлар гол урди: чап қанотдан узатилган тўпни Омар эл-Ҳилали яқин масофадан дарвозага йўллади, бироқ ҳужумдаги қоида бузилиши сабаб гол бекор қилинди. 35-дақиқада Вильярреал ҳисобни очди — чапдан оширилган тўпни Тейжон Бюкэнен олдинга узатиб берди, Жорж Микаутадзе эса бурилиб туриб тепган зарбаси билан тўпни ўнг юқори бурчакка жойлади.

Орадан кўп ўтмай Алберто Молейро жарима майдонига кириб, марказга паст узатма берди ва Хосе Салинас тўпни қайтарман деб ўз дарвозасига киритиб қўйди. Иккинчи бўлим бошида Молейро марказдан Николас Пепени олдинга чиқариб юборди — ҳужумчи жарима майдонида бироз чапга оғиб, 15 метрдан пастдан аниқ зарба билан фарқни оширди. 55-дақиқада эса Молейро Микаутадзеден пас олиб, 12 метрдан узоқ бурчакка аниқ тепиб, ҳисобни 4:0 кўринишига келтирди.

Сўнгги дақиқаларда Эспаньол бир гол билан жавоб қайтарди: бурчак зарбасидан кейин Леандро Кабрера бош билан тўпни дарвозага йўллади. Натижада Вильярреал 4:1 ҳисобида ғалаба қозонди.

Ушбу ғалабадан сўнг Вильярреал турнир жадвалида учинчи ўриндаги Атлетикога етиб олди. Эспаньол эса кетма-кет тўртинчи мағлубиятини қабул қилиб, олтинчи поғонада қолди.