Альбертини Сакки Милан даврида ҳақиқий фанат эди

«Милан»нинг собиқ ярим ҳимоячиси Деметрио Альбертини 1988–2002 йилларда клуб сафида тўп суриб, ўша даврнинг энг машҳур мураббийлари қўл остида ишлашга улгурган. У Арриго Сакки, Фабио Капелло ва Карло Анчелотти билан бир жамоада фаолият олиб борган. Бу ҳақда euro-football.ru хабар беради.

Альбертини айниқса 1991 йилда «Милан» билан хайрлашиб, Италия терма жамоасини бошқаришга кетган Сакки ҳақида ўз фикрларини билдирди.

Унинг сўзларига кўра, Сакки яхши маънода «ҳақиқий маньяк» бўлган: мураббий тез-тез уни четга чақириб, узоқ суҳбатларни фақат тактика, схемалар ва майдондаги ҳаракатлар ҳақида олиб борган. Альбертини Саккининг ўйинга бўлган ғайриоддий иштиёқи ва ҳаммасини жуда жўшқин тарзда тушунтирганини алоҳида таъкидлади.

Айни пайтда «Милан» Италия чемпионати турнир жадвалида иккинчи ўринда бормоқда.