Португалия Роналду бошчилигида мундиал финалини кўзламоқда
Португалия миллий жамоаси келаси ёзда бўлиб ўтадиган жаҳон чемпионатида иштирок этади. Турнир уч мамлакат — АҚШ, Мексика ва Канадада ўтказилади. Бу ҳақда euro-football.ru хабар беради.
The Touchline хабарига кўра, Португалия футбол федерацияси терма жамоа олдига максимал вазифа қўйган: мундиал финалига чиқиш. Жамоанинг бундан эртароқ босқичда мусобақани тарк этиши федерация томонидан муваффақиятсизлик сифатида баҳоланади.
Федерация Португалия 2026 йилги жаҳон чемпионатида ғолиб бўлиш салоҳиятига эга, деган ишончда. Терма жамоа сардори Криштиану Роналду, бош мураббий эса Роберто Мартинес.
Португалиянинг жаҳон чемпионатларидаги энг яхши натижаси — 1966 йилда қўлга киритилган учинчи ўрин.