Паненка машҳур пеналтиси ҳурматсизлик эмаслигини айтди
Чехия футбол афсонаси Антонин Паненка “паненка” услубидаги пенальти зарбаси рақибни камситиш деган фикрга қўшилмаслигини билдирди. У бу зарбани 1976 йилги Европа чемпионати финалида амалга оширгани билан футбол тарихида қолган. Бу ҳақда euro-football.ru хабар беради.
Паненка Cadena SER радиосининг El Larguero дастурида ўша вазиятда рақиб устидан кулиш ҳақида ўйламагани, аксинча гол уриш эҳтимоли энг юқори бўлган ечимни танлаганини таъкидлади. Унинг айтишича, финал каби ўйинларда мақсад – фақат натижа, шунинг учун у футболни яхши кўргани ва ҳеч кимни масхара қилиш ниятида бўлмаган.
Шунингдек, аввалроқ Паненка Африка кубоги финалида Браим Диас нега “паненка” услубида гол ура олмагани борасида ҳам ўз қарашларини тушунтириб берганди.