Роналдунинг қизи билан залда машғулот ўтказгани акс этди

Криштиану Роналдунинг жуфти Жоржина Родригес ижтимоий тармоқларда янги сурат улашди. Унда юлдуз ҳужумчи спорт залида гантел билан шуғулланаётгани кўринади. Бу ҳақда euro-football.ru хабар беради.

Кадрда 41 ёшли футболчи ёнида унинг қизларидан бири ҳам бор. Қизи ҳам қўлида гантел ушлаган, бироқ у кичик, пушти рангли оғирликлардан фойдаланган.

Суратга Жоржина қисқа изоҳ қолдирди: “Дада”.

Аввалроқ Родригес Роналдуни туғилган куни билан табриклаган эди. Қизиқ томони, табрик пости футболчининг 41 ёшга тўлган кунидан кейинги кунда эълон қилинган.

Шунингдек, Роналду “Ал-Наср”нинг сўнгги бир нечта учрашувларини ўтказиб юборди. ОАВда эса португалиялик ҳужумчи клуб бошқарувидан норози бўлгани сабаб ўйинларни бойкот қилаётгани ҳақида хабарлар тарқалган.