Икарди хет-трики билан «Галатасарай» рекордини янгилади
Туркия чемпионатининг 22-турида «Галатасарай» «Эюпспор»ни йирик ҳисобда мағлуб этди — 5:1. Учрашувнинг бош қаҳрамони аргентиналик ҳужумчи Мауро Икарди бўлиб, у рақиб дарвозасига уч бор тўп киритди. Бу ҳақда euro-football.ru хабар беради.
Шу хет-трик орқали Икарди «Галатасарай» тарихидаги энг сермаҳсул легионерга айланди. У бу кўрсаткичда руминиялик Георге Хаджини ортда қолдирди: Хаджида 75 гол бўлган бўлса, Мауронинг ҳисобида энди 76 та гол бор. Клубнинг умумий тўпурарлар рўйхатида эса аргентиналик футболчи еттинчи ўринда қайд этилган.
Эслатиб ўтамиз, Мауро Икарди 2023 йилдан буён «Галатасарай» сафида ўйнаб келмоқда. У бунга қадар франсузнинг «ПСЖ» клубида тўп сурган.