Мартынавич Ҳавертс билан майдондаги кулгили суҳбатини эслади

«Қайрат» ҳимоячиси Александр Мартынавич Европа Чемпионлар лигасидаги сўнгги ўйиндан кейин «Арсенал» футболчиси Кайо Ҳавертс билан бўлган қизиқарли мулоқоти ҳақида гапирди. Унинг айтишича, лондонликлар ярим ҳимоячисига Мартынавичнинг юзи таниш туюлган. Бу ҳақда euro-football.ru хабар беради.

Мартынавич Ҳавертснинг: «Нимадир сенинг юзинг менга жуда таниш», деган гапига жавобан, аввалроқ «Байер»га қарши ўйнаб, бу жамоани мағлуб этишганини эслатган. Шунингдек, Ҳавертс «Челси» сафида тўп сурган пайтда ҳам улар бир неча бор майдонда рўбаро‘ келишганини таъкидлади.

Футболчининг қўшимча қилишича, унинг коллекциясида Ҳавертснинг ўйин футболкаси ҳам бор. Мартынавич аввалроқ Россия чемпионатида ҳам тўп суриб, «Краснодар», «Урал» ва «Рубин» жамоаларида ўйнаган.

Эслатиб ўтамиз, «Арсенал» ва «Қайрат» январ охирида Чемпионлар лигасининг умумий босқичи сўнгги турида учрашган, Лондон клубининг уй ўйинида мезбонлар 3:2 ҳисобида ғалаба қозонган.