Икарди хет-трик билан «Галатасарай» тарихига кирди

Туркия чемпионатининг 22-тури доирасида «Галатасарай» «Эю'пспор»ни йирик ҳисобда мағлуб этди — 5:1. Учрашувнинг бош қаҳрамони аргентиналик ҳужумчи Мауро Икарди бўлди: у бу ўйинда учта гол урди. Бу ҳақда euro-football.ru хабар беради.

Хет-трик Икардига клуб тарихидаги муҳим маррани ҳам тақдим этди. У «Галатасарай» сафида 76-голини нишонлаб, руминалик Георге Ҳажжини ортда қолдирди — Ҳажжининг ҳисобида 75 гол бор эди. Умумий тўпурарлар рўйхатида эса аргентиналик форвард еттинчи поғонада қайд этилмоқда.

Эслатиб ўтамиз, Мауро Икарди 2023 йилдан бери «Галатасарай» шарафини ҳимоя қилиб келмоқда. У Туркияга келишидан аввал ПСЖ таркибида ҳам тўп сурган.