Андрес Инйеста Марокаш терма жамоасига таклиф қилиниши мумкин

Афсонавий футболчи Андрес Инйеста яна футболга яқин лавозимда иш бошлаши эҳтимоли бор. BBC Glasgow Times нашрига таяниб хабар беришича, 41 ёшли мутахассисни Марокаш терма жамоаси сафига таклиф қилишлари мумкин. Бу ҳақда euro-football.ru хабар беради.

Манбага кўра, Инйестага Марокаш миллий жамоасида техник директор лавозими таклиф этилиши эҳтимолдан холи эмас.

Марокаш терма жамоаси ёзда жаҳон чемпионатида иштирок этади. Гуруҳ босқичида “Атлас шерлари” Бразилия, Шотландия ва Гаити билан баҳс олиб боради.

Эслатиб ўтамиз, аввалги жаҳон чемпионатида Марокаш терма жамоаси тўртинчи ўринни эгаллаган: ярим финалда Францияга 0:2 ҳисобида ютқазган, учинчи ўрин учун ўйинда эса Хорватияга 1:2 ҳисобида мағлуб бўлган.