«Бавария» юлдузи Олисе келажакдаги манзилини танлади
Мюнхеннинг «Бавария» клубида тўп сураётган Майкл Олисе атрофида трансфер миш-мишлари тинмаяпти: қанот ҳужумчиси келажакда жамоани тарк этиши мумкинлиги яна муҳокама қилиняпти. Бу ҳақда euro-football.ru хабар беради.
TEAMtalk хабарига кўра, 24 ёшли футболчи бир кун келиб Испания Ла Лигасида ўзини синаб кўришни истайди. Унинг бу нияти ҳақида Мадриднинг «Реал»и ва «Барселона»си ҳам хабардор. Шунга қарамай, француз футболчи яқин орада клубини ўзгартиришни режалаштирмоқда деган гаплар ҳозирча тасдиқ топмаяпти — айни пайтда у Мюнхендаги шароитдан мамнун.
Олисе 2024 йил ёзида «Кристал Пэлас»дан «Бавария»га кўчиб ўтган. Унинг немис гранди билан амалдаги шартномаси 2029 йилгача мўлжалланган, Transfermarkt эса футболчининг бозор қийматини 130 миллион еврога баҳоламоқда.