Икарди хет-трики Галатасарай тарихида янги рекорд ўрнатди

Туркия чемпионатининг 22-турида «Галатасарай» «Эюпспор»ни 5:1 ҳисобида йирик мағлубиятга учратди. Учрашув қаҳрамони аргентиналик ҳужумчи Мауро Икарди бўлди — у рақиб дарвозасига учта гол урди. Бу ҳақда euro-football.ru хабар беради.

Шу хет-трикдан кейин Икарди «Галатасарай» тарихидаги энг сермаҳсул легионерга айланди. У бу кўрсаткич бўйича румин футболчиси Георге Ҳажини ортда қолдирди: Ҳажида 75 гол бўлган бўлса, Икардининг ҳисобида энди 76 та гол бор.

Клуб тарихидаги барча тўпурарлар умумий рўйхатида аргентиналик футболчи ҳозирча еттинчи поғонани эгаллаб турибди. Эслатиб ўтамиз, Мауро Икарди 2023 йилдан бери «Галатасарай» сафида тўп тепади, ундан аввал эса ПСЖда ўйнаган.