Жезуш Роналдуга дам берилди, у яқин ўйинда қатнашмайди

«Ал-Наср» бош мураббийи Жорже Жезуш Криштиану Роналду нега навбатдаги учрашувни ўтказиб юборишини изоҳлади. Бу ҳақда euro-football.ru хабар беради.

Ар-Риёд клуби чоршанба куни ОФК Чемпионлар лигасида «Аркадаг»га қарши майдонга тушади. Португалиялик ҳужумчи яқин орада яна сафга қайтиши кутилаётган бўлса-да, бу баҳсда у рўйхатда бўлмайди.

Жезушнинг айтишича, зич тақвим сабаб Роналду ва асосий таркибдаги бир қатор футболчиларга дам бериш ҳақида қарор қабул қилинган. Мураббий бунга сабаб сифатида олдинда «Ал-Фатеҳ»га қарши муҳим ўйин борлигини таъкидлади.

Шунингдек, у Роналду Саудиядан ташқарида ўтадиган учрашувларда вақти-вақти билан майдонга тушмай қолиши янгилик эмаслигини қўшимча қилди. Мутахассиснинг фикрларини Al Nassr Zone келтирди.

Саудия Про-лигасидаги «Ал-Фатеҳ» – «Ал-Наср» учрашуви шанба куни, 14 февралда бўлиб ўтади.