Виктор Фонт Мессини қайтариш ғояси билан ҳужумга ўтди
«Барселона» президенти лавозимига даъвогар Виктор Фонт сайловолди кампаниясини Лионел Мессини клубга қайтариш ғояси атрофида қураётгани аввалроқ хабар қилинганди. Бу йўналиш амалдаги раҳбарият учун оғриқли нуқта, чунки Жоан Лапорта даврида Месси жамоани тарк этган. Бу ҳақда euro-football.ru хабар беради.
Энди Фонт ташвиқотни янада кучайтирди: Барселонадаги энг муҳим бинолардан бирида бир неча қават баландлигидаги улкан баннер пайдо бўлди. У каталон пойтахтида яшайдиган ёки меҳмон бўлиб келадиган одамлар энг кўп кўрадиган нуқтага жойлаштирилгани айтилмоқда.
Бу стратегия ҳақиқатан ҳам юриш бўладими ёки аксинча, сайловда муваффақиятсиз тугайдими — буни фақат овоз бериш натижалари кўрсатади. Ҳозирча эса клубнинг қарзлари эмас, кўпчилик яна Мессининг қайтиши ҳақида гапирмоқда.