Елагин «Фенербахче» ва «Ноттингем Форест» ўйинига прогноз берди

Европа Лигаси плей-офф босқичи доирасидаги илк стыков учрашувда Истанбулнинг «Фенербахче» жамоаси «Ноттингем Форест»ни қабул қилади. Ушбу баҳс олдидан футбол шарҳловчиси Александр Елагин ўз фикрлари билан ўртоқлашди. Бу ҳақда euro-football.ru хабар беради.

Елагиннинг таъкидлашича, «Ноттингем Форест» Англия Премьер-лигасида қуйи ўринлар атрофида бўлса-да, Европа Лигасида анча муносиб ўйин кўрсатмоқда. Унинг фикрича, бу жуфтликда аниқ фаворит йўқ, шу боис энг мантиқий вариант — голлар сонига эътибор қаратиш. Шарҳловчи 2-3 та гол бўлишини тахмин қилди.

«Фенербахче» — «Ноттингем Форест» учрашуви бугун, 19 феврал куни Истанбулдаги стадионда бўлиб ўтади. Ўйин 22:45 да (Тошкент вақти билан) бошланиши режалаштирилган.