Венсан Компани ёшлигидаги идеал футболчисини айтди

Мюнхеннинг «Бавария» жамоаси бош мураббийи Венсан Компани ёшлик пайтларида ўзига энг катта илҳом берган футболчи ким бўлганини очиқлади. Бу ҳақда euro-football.ru хабар беради.

Белгиялик мутахассиснинг айтишича, унинг кумири «Милан» ва Франция терма жамоасининг собиқ ҳимоячиси Марсел Десайи бўлган. «У жуда кучли ҳимоячи эди, Франция билан жаҳон чемпионлигини қўлга киритган ва мени жуда руҳлантирган», — дея Компани сўзларини A Bola келтиради.

Шунингдек, Компани фаолияти давомида ўйнаш энг қийин бўлган рақиб ҳақида ҳам тўхталди. У Лионель Месси ёки Криштиану Роналдуни эмас, айнан Роналдиниони ажратиб кўрсатди.

Бундеслиганинг 22-туридан сўнг Компани бошчилигидаги «Бавария» 57 очко билан турнир жадвалида пешқадам бўлиб турибди.

Мюнхенликлар Чемпионлар лигасида ҳам муваффақиятли иштирок этиб, тўғридан тўғри 1/8 финал босқичига йўл олди.