Сантос Роналду 2026 йилги ЖЧда ўйнаши мумкинлигини айтди
Португалия терма жамоасининг собиқ бош мураббийи Фернанду Сантос Криштиану Роналду миллий жамоа учун ҳануз қанчалик муҳим эканига тўхталди. Бу ҳақда euro-football.ru хабар беради.
Ой бошида «Ал-Наср» ҳужумчиси 41 ёшни қарши олди. ОАВда эса юлдуз футболчининг ҳозирги ҳолатида Португалия терма жамоасига қай даражада зарурлиги ҳақида баҳслар тинмаяпти.
«Роналдунинг 2026 йилги жаҳон чемпионатида асосий таркибда бўлиши шартми? Ҳар бир мураббийда ўз тактик қараши бор. Агар Криштиану яхши формада, энг юқори кондицияда бўлса, у аниқ танловга айланади, чунки унинг профессионаллигига ҳали ҳам шубҳа йўқ. У мен билан ҳеч қачон фаолиятини якунлаш ҳақида гаплашмаган. Қарорни ўзи қабул қилади, аммо мен унинг кетишига ҳали анча бор, деб умид қиламан», — дея Сантос сўзларини Al Nassr Zone келтирди.
Қайд этилишича, Роналду 2026 йилги ЖЧ саралаш ўйинларида бешта гол уришга улгурди.