Сарри «Лацио» учун бу мавсумни лаънатланган деб атади

«Лацио» бош мураббийи Маурицио Сарри А Сериянинг 26-турида сафарда «Кальяри» билан дурангдан сўнг (0:0) 2025/2026 йилги мавсум жамоаси учун қанчалик оғир кечаётганини кескин баҳолади. Бу ҳақда euro-football.ru хабар беради.

Мутахассис «Кальяри» яқинда «Ювентус» ва «Рома»ни мағлуб этганини эслатди, бироқ учрашувда ўз футболчиларининг ҳаракатларидан кўнгли тўлмаганини яширмади.

«Бу лаънатланган мавсум, сабабларини яна санаб ўтирмайман. Бугун кечқурун бизда жароҳат сабаб олти нафар футболчи йўқ эди», — дея Сарри сўзларини Sky Sport келтиради.

0:0 ҳисобидаги дурангдан кейин римликлар 26 турда 34 очко жамғариб, турнир жадвалида 9-ўринда бормоқда.

«Лацио»нинг навбатдаги рақиби — «Торино». Ўйин 1 март куни Туринда бўлиб ўтади.