«Париж» клубида бош мураббий алмашиши кутилмоқда

«Париж» клуби бош мураббийлик масаласида ўзгариш арафасида турибди. Le Parisien хабарига кўра, Антуан Комбуаре жамоани қабул қилиб олишга жуда яқин. Бу ҳақда euro-football.ru хабар беради.

Манбага кўра, ҳозирги бош мураббий Стефан Жил чемпионатдаги қониқарсиз натижалар сабаб истеъфога чиқарилиши мумкин. «Париж» бир ойдан ортиқ вақт давомида ғалаба қозона олмаяпти.

Комбуаре тайинлови 23-февраль куни расман тасдиқланиши кутилмоқда. Янги Каледонияда туғилган мутахассис футболчилик фаолиятининг катта қисмини Франция клубларида ўтказган, мураббий сифатида эса «Валансйен», «ПСЖ» ва «Нант»даги ишлари билан танилган. У «Нант» билан мамлакат кубогини ҳам ютган.

Ҳозирда «Париж» чемпионатда 14-ўринда бормоқда. Ўтган мавсумда клуб қуйи лигада иштирок этганди.