«Ювентус» Спаллетти билан янги шартнома бўйича келишувга яқин
«Ювентус» бош мураббийи Лучано Спаллетти клуб билан янги шартнома имзолаш арафасида турибди. Бу ҳақда euro-football.ru хабар беради.
Жамоанинг Чемпионлар лигасида плей-оффнинг саралаш босқичидаёқ мусобақани тарк этгани «кексалар» раҳбариятини ортга чекинишга мажбур қилмаган. Инсайдер Николо Скиранинг маълумотига кўра, томонлар 2028 йилгача мўлжалланган битим шартлари бўйича принципиал келишувга эришган.
66 ёшли мутахассисга хориждан яна икки клуб қизиқиш билдираётгани айтилмоқда, бироқ кутилишича, Спаллетти яқин ҳафталарда айнан «Ювентус» билан шартномага имзо чекади. Спаллетти ўтган йил октябрь ойи охирида Турин клубини бошқара бошлаган, амалдаги келишуви эса мавсум якунланишида тугайди.