Бундеслига гранди "Интер"дан Бенжамен Паварга кўз тикди
Ҳимоячи Бенжамен Павар ёзги трансфер ойнасида яна жамоасини ўзгартириши мумкин. Бу ҳақда euro-football.ru хабар беради.
"Интер"дан мавсум охиригача ижарага олинган франсуз футболчисини "Марсель" 15 млн евро лик сотиб олиш бандини фаоллаштиришни режалаштирмаяпти. Журналист Николо Скира хабарига кўра, 29 ёшли ўйинчи бўйича яқинда Дортмунднинг "Боруссия"си сўров юборган, шунингдек номи ошкор этилмаган Саудия клуби ҳам қизиқиш билдирмоқда. "Нерадзуррилар" раҳбарияти эса футболчини мавсумлар оралиғида сотишни кўзламоқда.
Transfermarkt маълумотларига кўра, Паварнинг бозор баҳоси 20 млн еврони ташкил этади. Унинг "Интер" билан шартномаси 2028 йил ўрталаригача амал қилади.