«Реал» аргентиналик юлдуз учун ҳаммасини тикишга тайёр

Мадриднинг «Реал» клуби ёзги трансферлар ойнасида ярим ҳимоя чизиғини кучайтиришни режалаштирмоқда. ОАВ бир неча вақтдан бери испан грандини «Челси» сафида тўп сураётган Энсо Фернандес билан боғлаб келмоқда. Бу ҳақда euro-football.ru хабар беради.

The Touchline хабарига кўра, «Реал» Фернандес трансфери учун катта таваккал қилишга ҳам тайёр. Бироқ якуний қарорда футболчининг яқинлашиб келаётган жаҳон чемпионатидаги ўйинлари ҳал қилувчи синов бўлиши мумкин.

Шу билан бирга, мадридликлар «ПСЖ» ярим ҳимоячиси Витинияга ҳам жиддий қизиқиш билдирмоқда. Аммо клуб ичида парижликлар билан муносабатлар совуқлиги сабаб португалиялик футболчини олиб келиш эҳтимоли паст, деган фикр бор.

25 ёшли Энсо Фернандес Transfermarkt талқинига кўра 85 миллион евроға баҳоланмоқда. Унинг «Челси» билан шартномаси 2032 йилнинг ўрталаригача мўлжалланган. Аввалги жаҳон чемпионатида эса Фернандес турнирнинг энг яхши ёш футболчиси деб топилганди.