Сёмин Головиннинг жорий мавсумдаги ҳолатини ижобий баҳолади

Россиялик таниқли мураббий Юрий Сёмин «Монако» ярим ҳимоячиси Александр Головин жорий мавсумда қандай кўриниш олаётгани ҳақида фикр билдирди. Бу ҳақда euro-football.ru хабар беради.

Сёминнинг таъкидлашича, Головин сўнгги учрашувда голли узатма муаллифи бўлган ва умуман олганда ёмон ўйнамаган. Мураббий футболчига ҳиссиётларини бироз назорат қилиш кераклигини айтиб, унда ҳозир омадсиз давр кетаётгани ҳақидаги гапларга қўшилмади: Сёмин пасайишни кўрмаётганини қайд этди.

29 ёшли Головин бу мавсум барча турнирларни инобатга олганда 26 та ўйинда майдонга тушди, 2 та гол урди ва 5 та ассист қайд этди.

«Монако» 28 февраль, шанба куни ўз майдонида «Анже»ни қабул қилади. Франция чемпионатининг 24-тур учрашуви 23:00 да (Тошкент вақти билан) бошланиши белгиланган.