«Аугсбург» «Кёльн»ни Рибейрунинг пошна голи билан енгди

Германия Бундеслигасининг 24-тури старт учрашувида яхши формага кириб олган «Аугсбург» ўз майдонида «Кёльн»ни қабул қилди. Бу ҳақда euro-football.ru хабар беради.

Ўйин кўпроқ эҳтиёткор руҳда кечди, хавфли вазиятлар кўп бўлмади. Шунга қарамай, ҳисобни аввал меҳмонлар очиб юбориши мумкин эди: бурчак зарбасидан кейин Эрик Мартел бош билан зарба берди, аммо тўп тўсинга тегиб қайтди.

55-дақиқада «Аугсбург» ҳал қилувчи ҳужумни уюштирди. Ноакай Бенкс жарима майдонига узатма ташлади, Родриго Рибейру эса пошна билан ажойиб зарба йўллаб, учрашувдаги ягона ва ғалаба голини урди — 1:0.

Учрашувнинг 90+6-дақиқасида мезбонлар қарши ҳужумда яна бир бор рақибни жазолади: Алексис Клод-Морис вазиятдан унумли фойдаланиб, ҳисобни 2:0 кўринишига келтирди.

Бу ғалабадан сўнг «Аугсбург» турнир жадвалида 9-ўринда бормоқда, «Кёльн» эса 12-поғонада қолмоқда.