Кудряшов: Джикия «Антальяспор» асосий таркибига тезроқ қайтсин

Россия терма жамоасининг собиқ футболчиси Фёдор Кудряшов Туркияда тўп сураётган Георгий Джикиянинг ҳозирги ҳолати ҳақида фикр билдирди. Бу ҳақда euro-football.ru хабар беради.

У «Антальяспор» марказий ҳимоячиси билан боғлиқ вазиятни мунтазам кузатиб боришини айтди. 32 ёшли футболчи сўнгги пайтларда майдонда кам кўринмоқда, агентнинг сўзларига кўра, жамоа бош мураббийи Джикияни оптимал формада деб ҳисобламаяпти.

“Қачон ўйнади, қачон ўйнамади — ҳаммасини кузатаман. Энг асосийси, унинг имкони борича тезроқ асосий таркибга қайтишини жуда хоҳлайман. У билан алоқада бўлдимми? Фақат клубга ўтган пайтида гаплашгандик, ҳозир эса йўқ”, — дея Кудряшовнинг сўзларини Metaratings.ru келтирди.

Джикия «Антальяспор» сафида 2025 йил ёзидан бери ўйнамоқда. Жорий мавсумда «Спартак»нинг собиқ футболчиси 13 учрашувда майдонга тушиб, икки бор гол уришга ҳам улгурди.