ОФК Осиё Чемпионлар Лигаси учрашувларини БАА ва Қатарда кечиктирди
Осиё футбол конфедерацияси (ОФК) минтақавий Осиё Чемпионлар Лигаси доирасидаги айрим баҳслар бошқа саналaрга кўчирилганини маълум қилди. Учрашувлар Абу-Даби, Дубай ва Доҳада ўтказилиши керак эди. Бу ҳақда euro-football.ru хабар беради.
Қарорга Эрон, АҚШ ва Исроил ўртасидаги ҳарбий кескинлик сабаб бўлди. Хабарларга кўра, Эрон томонидан учирилаётган снарядлар қўшни давлатлар ҳудудига ҳам етиб бормоқда, у ерда АҚШ ҳарбий базалари жойлашган.
ОФК баёнотида ташкилот вазиятни яқиндан кузатишда давом этиши, футболчилар, жамоалар, расмийлар ва мухлислар хавфсизлигини таъминлаш масаласида қатъий позицияда қолиши таъкидланди.
Ўйинлар 2 ва 3 март кунлари бўлиб ўтиши керак эди. Ҳозирча янги саналaр ёки ареналар расман эълон қилинмади.