Семенё Лидсга қарши ўйинни жуда мураккаб деб баҳолади
"Манчестер Сити" қанот ҳужумчиси Антуан Семенё "Лидс"га қарши ўтган учрашувдан кейин ўз фикрлари билан ўртоқлашди. Бу ҳақда euro-football.ru хабар беради.
Семенёга кўра, баҳс ниҳоятда оғир кечган: айрим вазиятларда рақиб жамоа жиддий босим ўтказиб, "Сити" футболчиларини анча қийнган. Унинг айтишича, ўйин якунида майдонда чарчаган футболчиларни кўриш — уч очко учун сарфланган катта меҳнат ва кучнинг натижаси. Семенё бу ғалабани ажойиб натижа сифатида таърифлади.
Англия чемпионатининг 28-турида "Манчестер Сити" сафарда "Лидс"ни 1:0 ҳисобида мағлуб этди. Ягона гол муаллифи — Семенёнинг ўзи бўлди.
Хосеп Гвардиола бошчилигидаги жамоа турнир жадвалида иккинчи ўринда бормоқда ва пешқадам "Арсенал"дан икки очко ортда қолмоқда.