ПСЖ ғалабасидан сўнг Забарний ўйинни қийин деб баҳолади
Франсиянинг «ПСЖ» клубида тўп сураётган марказий ҳимоячи Илья Забарний Лига 1нинг 24-турида сафарда «Гавр» устидан қозонилган 1:0 ҳисобидаги ғалабадан кейин фикр билдирди. Парижликларга уч очкони Барколанинг ягона голи тақдим этди. Бу ҳақда euro-football.ru хабар беради.
Забарний учрашув осон кечмаганини таъкидлаб, бу майдонда ҳар доим кураш қийин бўлишини айтди. Унинг сўзларига кўра, энг муҳими — «ПСЖ» уч очкони қўлга киритди ва жамоа ҳозир ҳар бир ўйинга алоҳида эътибор қаратмоқда.
Луис Энрике шогирдлари 57 очко жамғариб, Франсия чемпионати турнир жадвалида пешқадамликни сақлаб турибди. Париж клуби иккинчи ўриндаги «Ленс»дан бир очкога олдинда бормоқда.