«Бавария» раҳбари: «Аталанта» кучли рақиб, бежиз эмас

Мюнхеннинг «Бавария» клуби бош директори Ян-Кристиан Дризен Чемпионлар лигаси қуръаси натижасида жамоа турнир жадвалининг мураккаб томонига тушиб қолганига муносабат билдирди. Унинг айтишича, агар немис грандлари «Аталанта»дан ўтса, кейинги босқичда «Реал» – «Манчестер Сити» жуфтлиги ғолиби билан тўқнаш келади. Бу ҳақда euro-football.ru хабар беради.

Дризен ўнг томондаги йўл нисбатан енгилроқ кўринишини тан олди, бироқ кучлилар билан ўйнаш ҳам жамоани чиниқтиришини таъкидлади. «Бизнинг асосий эътиборимиз ҳозир “Аталанта”га қаратилган. “Боруссия”га қарши ўйинларидан кейин уларни жиддий қабул қилиш кераклигини кўрдик. Улар Европа лигасини ҳам ютган, финалда “Байер”ни мағлуб этган. Демак, бу жамоа ҳеч қачон оддий рақиб бўлмаган», — деди Дризен Bayern & Germany нашрига.

Маълумот учун, жуфтликнинг илк учрашувида «Аталанта» 10 март куни «Байер»ни қабул қилади.