ОФК Осиё Чемпионлар Лигаси ўйинларини бошқа муддатга қолдирди
Осиё футбол конфедерацияси (ОФК) Абу-Даби, Дубай ва Доҳада ўтиши керак бўлган минтақавий Осиё Чемпионлар Лигаси учрашувлари бошқа саналarga кўчирилганини маълум қилди. Бу ҳақда euro-football.ru хабар беради.
Қарорга Эрон, АҚШ ва Исроил ўртасидаги ҳарбий кескинлик сабаб бўлди. ОФК қайд этишича, можародан келиб чиққан хавф қўшни ҳудудларга ҳам таъсир қилмоқда, айрим мамлакатларда эса АҚШ базалари жойлашган.
Конфедерация баёнотида ОФК вазиятни доимий кузатиб бориши ва футболчилар, жамоалар, расмийлар ҳамда мухлислар хавфсизлигини таъминлаш масаласида қатъий позицияда қолиши таъкидланди.
Учрашувлар 2 ва 3 март кунлари ўтказилиши режалаштирилган эди. Ҳозирча янги сана ёки ўйинлар ўтказиладиган жойлар эълон қилинмади.